Жер жөндеу жұмыстарын рұқсатсыз жүргізгені үшін «Ansar Group Company» ЖШС-ті әкімшілік жауапкершілікке тарту
«Қазақстан Республикасы Энергетика министрлігі Атомдық және энергетикалық қадағалау мен бақылау комитетінің Нұр-Сұлтан қаласы бойынша аумақтық департаменті» ММ-не (бұдан әрі – Департамент) «Западная – Коктем» ӘЖ 110 кВ кабельдік желілерінің зақымдалғаны туралы «Нұр-Сұлтан қаласының Отын-Энергетикалық кешені және коммуналдық шаруашылық басқармасы» ММ келіп түскен материалдар бойынша әкімшілік іс қозғады. Әкімшілік істі қарау барысында «Ansar Group Company» ЖШС 2022 жылдың 04 сәуірінде жер қазу жұмыстары кезінде «Западная – Коктем» ӘЖ 110 кВ кабельдік желілерін зақымдады, бұл 2017 жылғы 28 қыркүйектегі № 330 электр желілері объектілерінің күзет аймақтарын белгілеу және осындай аймақтардың шекарасында орналасқан жер учаскелерін пайдаланудың ерекше жағдайлары қағидаларының 11-тармағының 5-тармақшасын, 20-тармағын бұзу болып табылады.
Осыған байланысты Департамент , ҚР Әкімшілік құқық бұзушылық туралы кодексінің (бұдан әрі – Кодекс) 802-бабының 2-бөлігін басшылыққа ала отырып, электр желілеріне жауапты ұйымның келісімінсіз электр желілерін қорғау аймақтарында жер жұмыстарын жүргізгені үшін «Ansar Group Company» ЖШС-ті Кодекстің 305-бабы бойынша әкімшілік жауапкершілікке тартты. Компанияның заңды өкілі бұл құқық бұзушылықпен келісті, осыған байланысты әкімшілік іс жеңілдетілген тәртіпте қаралды. Айыппұл төленді.
Департамент барлық жеке және заңды тұлғаларға электр желілері жанында қазба және құрылыс-монтаждық жұмыс жасаған кезде Тұтынушылардың электр қондырғыларын техникалық пайдалану қағидаларын және Электр желілері объектілерінің күзет аймақтарын және осындай аймақтардың шекараларында орналасқан жер учаскелерін пайдаланудың ерекше шарттарын белгілеу қағидаларын сақтау керектігін ескертеді.
«Қазақстан Республикасы Энергетика министрлігі
Атомдық және энергетикалық қадағалау
мен бақылау комитетінің Нұр-Сұлтан қаласы
бойынша аумақтық департаменті» ММ